Kuerpo Polisial ta pidi yudansa di Komunidat den solushon di Atrako ku Morto na Zona Franca HatoBosero di Kuerpo Polisial, Sr. Imro Zwerwer a indika ku Kuerpo Polisial ta trahando duru pa yega na solushon di e kaso di atrako ku morto ku a tuma luga aki. Polisnan kier yega na detenshon di esnan ku a hasi nan mes kulpabel na e atrako riba e truk di Panamericano unda a kue bara di oro i tambe un persona a perde su bida. RELATODjabièrnè dia 6 di mart 2015 alrededor di mitar di 11 di mainta, Sentral di Polis a risibí notifikashon di un kaso di atrako ku tabata tumando lugá na un edifisio den Zona Franca na Hato.For di investigashon preliminar a sali na kla ku un ratu promé un trùk ku ta transportá plaka a yega na e negoshi pa entregá i rekohé algun merkansia di balor. Despues ku e dos empleadonan di seguridat aki ya tabata un ratu den e establesimentu,rekohiendo merkansia, nan a keda sorpresá pa 6 hòmber ku a penetrá den e negoshi. Tur 6 tabatin kara tapá i tabata bistí den trahe di kamuflahe di guera. Un òf mas di e sospechosonan aki, na momentu ku nan a topa kara – kara ku nan víktimanan, a lòs algun tiru dirigí riba nan. Un bala a alkansá un di seguridatnan parti ariba na banda robes di su kurpa, a konsekuensha di kua el a bin fayesé. E otro empleado di seguridat tambe a risibí un impakto di bala i a keda transportá ku ambulans pa poliklínika.Despues di nan akto, e sospechosonan a logra bai ku un kantidat di bara di oro for di e sitio. Dòkter di polis ku a presentá na e sitio a konstatá morto di e hòmber Zhadiro Zevenhuizen, nasé na Kòrsou dia 22 di ougùstùs 1978. E investigashon den e kaso aki ta kontinuá. Un súplika ta bai na tur persona ku por tin informashon tokante di e kaso aki pa tuma kontakto ku polis na 917, 24 ora pa dia, Atrako-Tim na 8666140, 8666192, 8666109 òf e number anónimo 108.
Posted by Strealuz News on Monday, May 18, 2015
Bosero di Kuerpo Polisial, Sr. Imro Zwerwer a indika ku Kuerpo Polisial ta trahando duru pa yega na solushon di e kaso di atrako ku morto ku a tuma luga aki. Polisnan kier yega na detenshon di esnan ku a hasi nan mes kulpabel na e atrako riba e truk di Panamericano unda a kue bara di oro i tambe un persona a perde su bida.
RELATO
Djabièrnè dia 6 di mart 2015 alrededor di mitar di 11 di mainta, Sentral di Polis a risibí notifikashon di un kaso di atrako ku tabata tumando lugá na un edifisio den Zona Franca na Hato.
For di investigashon preliminar a sali na kla ku un ratu promé un trùk ku ta transportá plaka a yega na e negoshi pa entregá i rekohé algun merkansia di balor. Despues ku e dos empleadonan di seguridat aki ya tabata un ratu den e establesimentu,
rekohiendo merkansia, nan a keda sorpresá pa 6 hòmber ku a penetrá den e negoshi. Tur 6 tabatin kara tapá i tabata bistí den trahe di kamuflahe di guera. Un òf mas di e sospechosonan aki, na momentu ku nan a topa kara – kara ku nan víktimanan, a lòs algun tiru dirigí riba nan. Un bala a alkansá un di seguridatnan parti ariba na banda robes di su kurpa, a konsekuensha di kua el a bin fayesé. E otro empleado di seguridat tambe a risibí un impakto di bala i a keda transportá ku ambulans pa poliklínika.
Despues di nan akto, e sospechosonan a logra bai ku un kantidat di bara di oro for di e sitio. Dòkter di polis ku a presentá na e sitio a konstatá morto di e hòmber Zhadiro Zevenhuizen, nasé na Kòrsou dia 22 di ougùstùs 1978. E investigashon den e kaso aki ta kontinuá.
Un súplika ta bai na tur persona ku por tin informashon tokante di e kaso aki pa tuma kontakto ku polis na 917, 24 ora pa dia, Atrako-Tim na 8666140, 8666192, 8666109 òf e number anónimo 108.
