Loke a cuminsa como un vakantie a caba den un tragedia y dolor pa famianan di Michel Ervin Henriquez di 42 aña.
E tabata tin apenas dos siman di vakantie pa bishita su yiunan, ora cu despues di un concierto, el a wordo maltrata te na e punto cu el a drenta den coma y a wordo declara “hersensdood”.
Su ruman muher Lila a tuma contacto cu masnoticia.com, unda cu el a relata cu Henriquez a bay un concierto di UB40 y despues di e concierto, ora Henriquez y un grupo di amigo, a haci chansa nan cu nan, un grupo di polis a bin riba dje. Nan a gar’e, boei’e. Tabata manera mas of menos 14 polis, segun testigonan na e sitio. Despues di a haci esaki, a bent’e den un van y a bay cun’e. Pero segun Lila, na caminda nan mester a batie, pasobra ora el a yega warda, mester a reanim’e y for di eynan hib’e hospital y na hospital a bisa cu el a bay den coma. Ora cu el a bay den auto di polis, pa ora el a yega warda, e no tabata hala rosea. Na e momento ey dos polis a reanime y hibe hospital.
Na hospital nan a hink’e den Intensive Care y a bisa cu ta den coma. Despues cu a dun’e remedi pa reacciona. Sin embargo den oranan di anochi a declara cu e tabata “hersensdood caba.”
Dokternan den Intensive Care a bisa famianan cu esaki no ta un natuurlijke dood. Awor for di investigacionnan cu tin cu wordo haci, tin cu bay determina. E dokter a indica bon cla, cu e lo bay pone esaki den su rapport.
Lila a conta nos cu e difunto tabata haci su bochinchanan den caya despues di concierto, haci tiki desordo, pero no tabata tin’e cu e polisnan, sino cu e hendenan cu e tabata cune den e concierto.
Primonan ta buscando di sa kendenan a graba e episodio, mirando cu tin hende graba esaki riba celular. Henriquez no tabata tin arma y na e lugar di e concierto nan ta wordo listra. Si e tabata burachi mes, un hende geboei no por batie. Si ta benta den auto patras mes, ki mishi un hende yega sin rosea, tur na golpi, Lila ta cuestiona.
Hopi testigo tin cu a wak e agresion aki. Awor aki recherche ta na hospital na Den Haag, manera a kita e mashin, pa e patalogo di e recherchenan bay mira kico ta e causa real di su morto, pasobra morto natural e no ta.
Su cara tabata hopi hincha. Mayoria di e sla el a haya pa cabez, Lila a conta nos.
Famianan na Aruba ta bayendo Hulanda awor aki. Dokternan a warda famianan di eynan sin embargo, cu ta mas cerca pa tuma e decision pa kita e mashin..
Bishita el a bay bishita su yiunan, bay keiro poco, despues pa e bolbe bek su pais, pa e haya esaki. Bay un concierto pa pasa ora dushi pa haya despues haya su morto na man di polis, Lila a relata por ultimo
