Un sospechoso den kaso Troya den libertat bou di kondishon
Willemstad – Despues ku abogado mr. Marije Vaders, a entamá un opheshon kontra di e desishon di hues komisario ku a prolongá detenshon di e sospechoso Sherwin O. ku 8 dia mas, sospechá di ta metí den e kaso ku a haña e nòmber Troya, ta logra libertat di e sospechoso aki. Sherwin su sospechoso no ta kita, pero despues ku Vaders a tres puntonan bálido dilanti pa ku detenshon di
Sherwin, Hues Komisario a haña ku e aspekto personal ta pisa mas tantu ku e interes di e investigashon.
Sherwin ta keda sospechá di labamentu di 11 mion dòler durante e periodo di 2010-2015 i manera ariba menshoná, Hues Komisario despues di a skucha e argumentunan ku Vaders a trese dilanti a haña ku no tin motibunan pisa pa kontinuá detenshon di Sherwin. Esaki a trese Hues Komisario na suspenshon di detenshon, pero bou di kondishon.
Prolongashon di detenshon di Hóben 14 sospechá di asesinato
Willemstad – Fiskal di Ministerio Públiko a prolongá enkarselashon di e hóben L.Y. (14) di Rio Magdalena ku 15 yüli a keda detené riba vèlt di futbòl den Kaya Pieda Natural den Tera Kòrá.
E ta ser sospechá di ta envolví den kaso di atrako/asesinato di Frensio Pascual Sambre (90 aña) dia 2 di aprel 2015 den bario di Rio Magdalena.
Dia 16 yüli a enkarselá Y. pa 2 x 24 ora. Awe 17 yüli el a keda presentá na Hues – Komisario ku a husga e detenshon i awor pues Fiskal a ordená 8 dia sera pa e hóben, esta prolongá e enkarselashon pendiente mas investigashon.
###
Sra. Estafado deten’é
Willemstad – Polis den kareda di 1 or awe mèrdia a detené estafado sra. D.B. ku tabata hasi komo sifuera e tabata traha na OM. KPC a emití un komunikado riba e detenshon aki.
Algun siman pasa kaba Fiskal a emití órden di detenshon pa e señora aki tin vários keho duná na KPC den su kontra. Siman pasá tabatin un di su víktimanan den sala korte, keriendo ku kaso di e D.B. tabata tratamentu. E víktima aki so a keda perhudiká pa 150 mil florin.
###
Mula ta sali Panamá pasa Kòrsou ku destinashon Ulanda
Willemstad – Konforme e loke ku tin formulá den e veredikto di korte di Harlemmemeer, por konkluí ku e maleta ku kokaina a sali Panamá sin problema, yega Kòrsou sin problema, pa despues bolbe sali Kòrsou sin problema i ta na Ulanda e maleta aki ta keda interseptá.
No a bin dilanti kuantu dia e polako a keda, Kòrsou, pero el a sali Kòrsou despues di tabata na Panamá kaminda ku el a tuma un maleta ku 5587,5 gram (5.5 kilo) di koka aden. E kokaina tabata den un bòm falsu di e maleta.
E loke ku a pasa ta ku ora e avion a yega Ulanda, e tim di duana ta kontrolá tur maleta. Ora ku su maleta a pasa den e mashin di scan, a nota ku e imágen tabata straño i spesialmente den e bòm di e malta. Akinan a separá e polako i a mand’é pir G, kaminda ku einan, e duana ta hasi un kòntròl mas profundo.
Akinan e duanero nan a tuma nota kon e polako a kuminsá bira nervioso i a kuminsá tembla. Sin puntr’é nada, el a bisa ku e maleta no ta di dje. Ora ku a kaba di saka tur paña for di e maleta kaminda ku e polako a kue un yas pretu bisti, ainda e maleta tabata pisa algu mas ku 12 kilo.
E duanero nan a kontrolá e bòm di e maleta i eiden a bin lokalisá 4 paki di kokaina. Akinan el a kuminsá duna tur tipo di deklarashon di kua niun no ta parse di ta real.
El a bisa ku e no sa kon bin tin koka den e maleta i a kumpra e maleta den un pakus pa 20 euro. Pero den sala di korte el a splika kiko eksaktamente a pasa i a duna di konosé ku e ta den un situashon finansiero hopi deplorabel i a hasi e kos aki pa plaka.
E mester a biaha pa Panamá, kaminda ku einan el a tuma e maleta, pasa Kòrsou pa despues bai Ulanda. Ora ku e kaba di entregá e maleta, despues di un siman e lo haña 7000 euro. E kuater pakinan di kokaina a pasa algu mas ku 5 kilo i mei.
Fiskal a trese e problemátika di droga ku tin na Ulanda i a bisa ku esaki ta trese hopi violensia i insiguridat kuné. Fiskal a pidi 39 luna di prizon pa e polako.
Korte a uni su mes ku e punto di salida di fiskal, pero pa loke ta trata e kondena, korte ta wak’é otro. Korte a duna di konosé ku nan ta tene kuenta ku e pobresa di polako i esaki ta motibu pa nan desviá for di e demanda. Nan ta yega na un kondena di 30 luna di prizon.
###
Ofisina di abogado a pone kompania bèrdè 3 mion euro
Rotterdam – Resientemente korte di Rotterdam a dikta fayo den un disputa entre e kompania Cable Plus Curaçao B.V. inskribí aki na Kòrsou kontra e ofisina dui abogado De Brauw Blackstone Westbroek N.V. inskribí na Amsterdam.
Ta trata di un kaso kaminda ku korte lo mester a stipulá si e kompania Cable Plus Curaçao lo mester haña un multa mionario òf no. E ofisina di abogado De Brauw a oponé kontra di e demanda, pero no ta sali nan bon.
Tur kos a kuminsá ora ku pa motibu di un fayo di un abogado, (beroepsfout) a pone ku a hala pèrmit aden di Cable Plus Curaçao. E pèrmit ku Cable Plus Curaçao tabatin, ta basá riba sistemanan tékniko moderno i inovativo e tempu ei. Ta trata di un pèrmit ku ta di aña 2001.
Manera ya menshoná e abogado a faya dor di kanselá e opheshon ku tabatin kontra di hala un pèrmit aden. Esaki a pone ku halamentu di e opheshon aden, a kita tur e speransa ku Cable Plus Curaçao lo por a haña e pèrmit tòg. Cable Plus Curaçao tabatin 50% chèns di a haña su pèrmit, pero ku halamentu aden di e opheshon, a pone ku e chèns a bira sero.
Esaki a pone ku ora ku desishon a kai, no por a husga Cable Plus Curaçao tambe den e petishon. Esaki tabata sufisiente pa a entamá un kaso kontra di e bufete ku su abogado a hala e opheshon aden.
E kaso a bira un di tempunan largu i añanan tabata transkurso pa yega na un klaridat.
E kompania prestigioso Trova a traha un rapòrt riba e posibel chèns ku Cable Plus Curaçao tabatin pa por a bin na remarke pa e pèrmit i tur kos a indiká ku e chènsnan enbèrdat tabata grandi.
E pronóstikonan tabata 15.000.000 euro den e promé tres añanan i un kálkulo kompliká kaminda ku a hinka tur kos aden, e rapòrt ta hasi menshon ku e bufete tin di karga su responsabilidat pa 50% i esaki ta keda kalkulá na 3.000.000 euro.
Korte a uni su mes ku e rapòrt i a konkluí e kaso kaminda ku ta obligá De Brauw paga Cable Plus Curaçaoe3mioneuro,mas interesnan te dia ku nan kaba paga e suma.
De Brauw mester paga gastunan di rapòrt na balor di 34.617 euro i otro gastunan di korte na un balor di 20.576 euro.
###
Rubinel Cathalina su kastigu a subi di 6 pa 7 aña den apelashon
Willemstad – Miéntras su otro kompañeronan no a apelá, Rubinel Cathalina su kastigu a subi den apelashon. Tabata bisto ku ora ku Rubinel a tende su kastigu i ku esaki a bira un aña mas tantu, ku su pianan a bira aletria, o sea ku tabata parse ku e no por a keda para mas riba su pia i a sak un poko den su rudia. E kastigu a baha duru.
Korte di apelashon a konkluí ku e veredikto ku korte di promé instansha a dikta no ta reflehá e seriedat di e kaso, refiriendo aki riba e kantidat di droga ku a haña den nan poder i tambe e tipo di armanan di kandela ku a haña nan.
Ta trata di armanan di kandela ku niun hende no por haña pa kana kuné ni ku pèrmit. Ta arma militar ku ta trahá i diseñá pa mata hopi hende pareu. E armanan aki a haña den poder di entre otro Rubinel.
Despues di a keda kondená na 6 aña di prizon den kaso di importashon di mas di 300 kilo, e akusado Rubinel Cathalina ta apelá e veredikto aki, pa motibu ku e ta di opinion ku e no tin nada di aber ku e kaso aki.
Mester indiká ku Rubinel a bin ku un historia di un tal “Conejo”, ku e ta kere ta e persona ku a bin ku e droga. Pero e tribunal no a bai tras di e historia di Conejo.
###
Futbolista Niles su kastigu a keda 15 aña pa asesinato
WILLEMSTAD. – E akusado Dennis Niles alias Payo, futbolista a tende ku nada no ta kambia pa loke ta trata su kastigu di prizon ku e tin di sinta. Den korte penal di promé instansha Dennis a keda kondená na 15 aña di prizon i den korte di apelashon e kastigu a keda meskos.
Borrebach a keda asesiná dia 5 di mart mardugá, ora ku despues di un diskushon ku lo mester tabatin entre e víktima i algun persona, un hende lo a saka arma di kandela i tira e víktima ku resultado fatal.
Segun informashon tin vários testigu ku a duna nan testimonio i tin di nan ta indiká Niles komo e persona ku a tira. E loke ku ta hasi e testimonionan aki no konfiabel ta e echo ku tur testimonio ta varia i Niles ta para riba su inosensia.
E echo ku Niles semper a keda para riba su inosensia, a hasi ku e investigashon a sufri vários retraso, pa kaba di investigá e kaso te den detaye. Esei a tuma lugá tambe.
Niles semper a bisa ku e ta sintando un kastigu pa algu ku e no a hasi. Pero hues di korte di promé instansia den su veredikto a motivá su desishon i a konkluí ku e testigunan ku a duna nan testimonio, tur ta konfiabel.
Korte a kalifiká e deklarashonnan di Niles engañoso i no konfiabel. El a trata di laga korte kere ku e no tabata na e sitio di tiramentu na momentu ku e suseso lamentabel a tuma lugá.
Pero Korte ta di opinion ku dia 5 di mart 2014, tabatin un bringamentu den Saliña i Dennis ta bai metekuesakiialòsuntiru klaramente djaserka ku a alkansá e víktima na su lomba.
Ta trata di un persona di 24 aña di edat i ku ta den flor di su bida i e aktuashon di Dennis ta kita bida di e hóben aki i alabes a kousa un doló ireparabel, pa motibu ku awor e famia tin di kontinuá nan bida sin nan ser kerí.
E tribunal ta yega na e desishon ku no tin motibu pa kambia e kastigu i a kondená Niles na e mesun kastigu ku e promé hues a imponé.
###
Fuente: Hustisia.com
