Willemstad, Curacao — Djasabra 18 di yüli 2015, alrededor di 13.00’or, Polis a detené e dama D.J.B. di 51 aña di edat nase na Kòrsou en konekshon ku estafa.
E detenshon a tuma lugá den un establesimentu na Jan Thiel.
A presentá e dama sospechoso dilanti un fiskal ouksiliar ku a ordená su enkarselamentu pa mas investigashon.
###
Búskeda di hobensita ta kaduká.
Willemstad, Curacao — Búskeda di e hobensita Abbigail Chelsea De Cuba di 15 aña di edat, ku for di 15 di yüli último a sali for di kas i no a regresá (komunikado di prensa 346/2015) ta kaduká. Abbigail ta bèk na kas.
###
Aksidente di tráfiko ku herido.
Willemstad, Curacao — Djabièrnè 17 di yüli 2015, alrededor di 21.00’or Sentral di Polis a dirigí un patruya na Kaya Gutierez i Geraldina pa un aksidente di tráfiko ku herido.
For di un investigashon na e sitio a resultá ku un mucha hòmber di 12 aña riba un baiskel sin lus a kore sali for di Versaillesweg i krusa Kaya Gutierez i Geraldina sin duna preferensha na un outo ku tabata aserkando ku konsekuensia ku e vehíkulo a alkansá e baiskel.
E hobensitu a sufri leshon serio na su kabes i den un estado di preokupashon a transport’é ku ambulans pa poliklínika, na unda despues di tratamentu el a keda interná den e departamentu di Kuido Intensivo.
Departamentu di Tráfiko ta kontinuá ku e investigashon.
###
Ladronisia i un detenshon.
Willemstad, Curacao — Djaweps 16 di yüli 2015, alrededor di 12.30’or Sentral di Polis a risibí informashon ku tin un ladronisia tumando lugá na un kas den Grebbelinieweg.
E unidat polisial ku a bai na e sitio a hasi detenshon di e hòmber L.D.S nasé na Kòrsou di 26 aña di edat.
E sospechoso a keda presentá dilanti di un fiskal ouksiliar ku a ordená su enkarselamentu pa mas investigashon.
###
Kontròlnan general i preventivo.
Willemstad, Curacao — Djarason 15 di yüli entre di 07.’or di anochi pa 03.’or di mardugá di 16 di yüli 2015, personal di Tim di mantenshon di òrdu Públiko, a realisá vários kontròl preventivo den diferente bario riba nos isla.
E.o. den Punda, Pietermaai, Steenrijk, Mari Pampun, Bapor Kibra, Vredenberg, Kintjan/Willemstad i Saliña.
Durante di e kontròlnan aki a parti 3 prosèsverbal na shofùrnan ku a kometé diferente infrakshon i un outo a keda hiba kurá.
A kontrolá:
- 5 persona; Detenshon:
- 1 hòmber surinameño ku no tabatin e dokumentunan nesesario pa por permanesé riba nos isla.
E kontròlnan aki ta kontinuá.
###
Kontròlnan general i preventivo.
Willemstad, Curacao — Djaweps 16 di yüli 2015, den oranan di atardi i anochi personal di Tim di Mantenshon di Òrdu Públiko di Rio Canario (T.H.T.), a realisá kontròlnan general i preventivo riba nos isla.
Alrededor 15.30’or polis a topa ku tres (3) hende hòmber di nashonalidat Venezolano ku tabata bende komestibel riba kaya sin un pèrmit pa bende kos riba kaya i a detené nan.
Durante kontròl a bin resultá tambe ku un di e hòmbernan no tabatin e dokumentunan nesesario pa por pèrmanesé riba nos isla. A transportá tur tres persona pa warda di polis Rio Canario pa mas investigashon.
Alrededor di 21.00’or polis a bai na un kas na Juan Domingo na unda a bin topa ku un plantashon di 49 mata di mariwana.
Polis a konfiská esakinan pa mas investigashon. E kontròlnan aki ta kontinuá.
