WILLEMSTAD, Curacao — Pa medio di e komunikado akí, “Junta Central Electoral” ta informá tur dominikano mayor di edat ku tin oportunudat pa nan apliká pa haña un sédula nobo.
Fechanan pa yena aplikashon ta djasabra dia 26 di sèptèmber i djadumingu 27 di sèptèmber.
Orario riba tur dos dia ta 9’ or di mainta pa 5’ or di atardi.
Lokalidat pa yena aplikashon ta Radio Fiesta 106.3 FM. Radio Fiesta su direkshon ta Sufisant; Fatimaweg 2.
Esnan ku tin un sédula hel òf blou por apliká pa un sédula nobo. Esnan ku nunka no a yega di saka sédula dominikano òf ku tin esun di karton(“ librito”), por inskribí. Na su debido tempu nos ta tuma kontakto ku nan. Kòrda si ku nos ofisina fiho pa aplikashon pa haña sédula nobo ta keda duna servisio na tur dominikano den e lokalidat di “Consulado Dominicano” ku ta keda na Kaya Wilson Papa Godett number 45.
Orario nòn stòp di djaluna pa djaweps di 8’or di mainta pa 3’or di atardi. Djabièrnè e orario ta 8’ or di mainta pa 12’or di mèrdia.
Nos numbernan di telefòn ta: 462-6803 // 691-5397.
Nos ta informá esnan ku ya a apliká pa haña sédula ku nan por bin buska nan sédula.
Pa bo por apliká pa bo haña un sédula nobo bo mester bin ku bo sédula hel/blou, pasaporte òf kualkier dokumentu ku tin e number di sédula dominikano.
