CURACAO (KPC) — Djamars 7 di yanüari 2025 alrededor di 17.17’or, Sentral di Polis a risibí informashon ku den Sabana Hundu a bin lokalisá kurpa sin bida di un dama den estado avansá di deskomposishon.
Polis ku a yega na e sitio a topa kurpa di e dama lorá den un klechi. E kurpa tabata yen di bolita konteniendo posiblemente un kantidat di droga.
Dòkter di polis a konstatá morto i riba òrdu di fiskal di Ministerio públiko a konfiska e kurpa i e bolitanan pa mas investigashon. Investigashon den e kaso aki ta kontinuá.
