Atrako na un kas den Quarantaineweg.
Wilemstad, Curacao — Djamars 26 di mei 2015, alrededor di 21.00’or Sentral di Polis a haña notifikashon di un atrako ku a tuma lugá na un kas den Quarantaineweg na Otrabanda. Tres hòmber ku pèchi riba kabes i ku arma di kandela den man a sorprendé e habitantenan di e kas, un señora (51 aña) ku su yu hòmber (16 aña) i amigu di e yu (16 aña). E sospechosonan, di aspekto latino i ta papia spañó, bou di menasa a hinka e habitantenan den un kamber i mara nan, miéntras ku un otro tabata listra rònt den e bibienda. Nan a kue entre otro dos lèptòp, selular i algun pertinensianan di e víktimanan, pa despues hui bai probablemente na pia for di e sitio. Personal di ‘Slachtofferhulp’ a presentá na e kas i a duna e habitantenan asistensia. Tim di Atrako lo kontinuá ku e investigashon.
###
Detenshon pa ladronisia.
Wilemstad, Curacao — Djarason 27 di mei 2015, alrededor di 01.15’or di mardugá, Sentral di Polis a dirigí un patruya na un restorant situá na Berg Altena en konekshon ku un robo ku lo ta tumando lugá. Na yegada di unidat polisial nan a topa ku e hòmber kende via di dak a baha den e restorant i tabata sakando algun artíkulo pa bai kuné entre otro un frizer ku polisnan a haña butá pafó. A detené e sospechoso i a bai warda kuné pa mas investigashon.
###
kontròl di tráfiko
Wilemstad, Curacao — Djarason 27 di mei 2015 entre 8’or pa 12.50‘or di mainta personal di HIT tim, a tene kòntròl di tráfiko riba Kaminda Duvert (Boy) Nicolina i Schottegatweg Zuid/Kaya C. Winkel. Nan a kontrolá un total di 47 vehíkulo i a parti un total di 38 prosèsverbal pa diferente infrakshon kometé.
- Pasa den lus kòrá 26
- Kore outo i papia na telefon 06
- Kore outo sin reibeweis 03
- Kore outo sin faha di seguridat 02
- Kore outo sin seguro pagá 01
