Entrada hudisial ku tres detenshon.
WILLEMSTAD, Curacao — Djaluna 22 di yüni 2015, alrededor di 19.20’or, personal di Tim di Mantenshon di Òrdu Públiko a hasi un entrada hudisial den un kas na F.D. Rooseveltweg.
Na yegada di e Tim na e adrès nan a topa ku tres hòmber i un di nan a benta un saku afó na momentu ku e la mira polis.
Durante di investigashon den e saku polis a haña i konfiská:
30 paki konteniendo kokaina;
8 saku di plèstik konteniendo kokaina;
8 saku di plèstik konteniendo base;
6 saku di plèstik konteniendo mariwana.
Den e kas polis a haña i konfiská 2 saku di plèstik ku mariwana i un sigaria di mariwana.
Polis a detené e hòmbernan
- H.A. di 50 aña di edat, J.L. i 48 aña di edat, ámbos nasé na Kòrsou
- E.P. di 35 aña di edat nasé na Venezuela,
pa violashon di Lei di Opio.
A bai warda ku e sospechosonan unda a presentá nan dilanti di un fiskal ouksiliar ku a ordená enkarselamentu di H.A i E.P. pendiente di mas investigashon i libertat pa J.L. despues di interogashon.
###
Atrako na tereno di HCCC.
WILLEMSTAD, Curacao — Djaluna 22 di yüni 2015, alrededor di 04.45’or di mardugá Sentral di polis a haña notifikashon ku na e tereno di HCCC (kurá di raspa) na Berg Arrarat un atrako a tuma lugá.
For di un investigashon ku polis a realisá a resultá ku djis despues ku kran a kaba di trese algun skuter i motosaikel ku polis a konfiská durante di nan kontròlnan, kuater (4) hòmber a sorprendé e dos (2) bewakernan ku ta traha einan na momentu ku nan a kaba di drenta den nan ofisina.
E sospechosonan a menasá e bewakernan, buta nan drumi abou i mara nan. Nan a pidi e bewakernan pa yabi di e vehíkulonan ku tin pará riba e tereno i a kue un pikòp hilux blou.
Den dje nan a transportá 4 pa 5 skuter i a bai tambe ku 2 motosaikel for di e tereno. Personal di Slachtofferhulp a presentá na e sitio i a duna e víktimanan asistensia. Tim di Atrako ta kontinuá ku e investigashon.
###
Detenshon pa menasa i maltrato.
WILLEMSTAD, Curacao — Djasabra 20 di yüni 2015 alrededor di 13.55’or, unidat di Rio Canario a detené e hòmber I.P.G. nasé na Kòrsou di 42 aña di edat, en konekshon ku menasa i maltrato.
E detenshon a tuma lugá na riba Kaya Dr. Gungu Maal na altura di un mini market.
A present’é dilanti di un fiskal ouksiliar ku a ordená su enkarselamentu pendiente mas investigashon.
###
Dos entrada hudisial.
WILLEMSTAD, Curacao — Djabièrnè 19 di yüni 2015, alrededor di 05.30’or di mainta, Polis a tene entrada hudisial den dos (2) diferente kas respektivamente; Watakeliweg i Cocolodeweg. E entradanan aki ta relashoná ku ladronisianan kometé den diferente kas na diferente bario nan riba nos isla.
Durante di e entrada hudisial na e kas na Watakeliweg, Polis a haña un kantidat di artíkulo probablemente prosedente di ladronisia entre otro:
Motosaikel
Outo i diferente piesa di outo.
Polis a konfiská tur e artíkulonan aki i a detené na e kas e hòmber sospechoso:
J.T.W. nasé na Kòrsou di 22 aña di edat
.
Na e kas na Cocolodeweg durante di e kontròl e agentenan a haña aki tambe un kantidat grandi di artíkulo probablemente prosedente di ladronisia entre otro:
Un outo, Televishon Dvd, Kámara, Telefon i diferente oloshi.
Aki tambe polis a konfiská tur e artíkulonan i a detené un hòmber sospechoso:
C.A.C. nasé na Kòrsou di 22 aña di edat.

A presentá ámbos sospechoso dilanti di un fiskal ouksiliar i nan a keda enkarselá pendiente di mas investigashon.
Athunto: potrèt di algun artíkulonan konfiská
