Informashon di Ministerio Publiko di Korsou

887
Curacao courthouse

Info OM:
Wes ta bai trata djaluna 12 di òktober 2015 vários persona ku a hasi nan mes kulpabel na transportashon di droga, sea via airopuerto òf dor di manda droga den pakete di pòst.

Ta trata di e asina yamá ‘Hato-zitting’.

Entre esnan ku tin ku responsabilisá nan mes ta Q.A. (1985) bibá na Ulanda ku dia 4 ougùstùs 2015 a keda detené ku 2.5 kilo kokaina den su poseshon.
–###–
Djárason 14 òktober 2015 Ministerio Públiko (OM) ta bai trata un kaso proforma kontra entre otro e hòmber L.F.M.-de la H. (1981) di Colombia ku ta ser sospechá pa Ministerio Públiko di e kaso di asesinato di Andrew Michael Joseph Sniphout dia 1 di yüni 2015.

Den e kaso aki tin mientrastantu mas sospechoso detené. Djárason ta trata pues proforma e kaso kontra L.F.M.-de la H.
Tambe riba zittingsròl e kaso kontra C.V. (1975) ku ta ser sospechá di intento di asesinato.

Un kaso di lòsmentu di bala riba kas di V.B. Durante un entrada hudisial na kas di e sospechoso a bin haña munishon.

Tambe ta bai trata djárason un kaso kontra e dama R.T.M.C. (1992) di malversashon di alrededor di 325.000 florin for di un negoshi den Otrobanda.

Un otro kaso ku ta bai ser tratá ta esun kontra e dama D.J.B. (1963) ku ta ser sospechá di vários kaso di estafa den nos komunidat.

Kasonan di estafa ku el a kometé den añanan 2013, 2014 i 2015.
–###–
Djabièrnè ta bai trata vários kaso penal, entre otro 1 kaso kontra un hòmber di Jamaica pa poseshon di un arma di kandela, un kaso di destrukshon kombiná ku menasa di violashon, un kaso di ladronisia kombiná ku intento di homisidio ku un arma di kandela.

Tambe ta trata djabièrnè 2 or un kaso kontra 3 persona pa eksportashon di droga, preparashon di maleta den kombinashon ku labamentu di plaka.

Ta trata di e kaso kontra sospechosonan B.F. C.C. i C.D.